一提到日本美女Coser，大家可能諗起「Enako」或「伊織もえ」，不過人才輩出嘅Cosplay界又點會只得兩位美女？今日就同大家介紹一位同樣極具人氣，自稱2.5次元Model嘅美女Coser「あまつまりな」。

身世神祕嘅「あまつまりな」早於2015年左右開始玩Cosplay，2016年先開設Twitter帳戶，期間更改過幾次藝名，唯一唔變嘅就係自稱「虛擬的存在」「2.5次元Model」，就算出咗道咁耐都冇人知佢幾歲同埋本名係咩，亦都好少出現喺現實世界嘅活動，可能就係呢份神秘感吸引到60幾萬Fans追蹤。

雖然「あまつまりな」係Cosplay出身，但佢同依家好多當紅Coser一樣，漸漸從2次元走到去3次元，少咗以ACG造型示人，多咗拍性感寫真。 從使佢冇驚人嘅上圍，但憑住纖腰美臀已經俘虜大量Fans，尤其係側身Pose曬盡誘人曲線，唔知你又有冇心動呢？