日本性感網絡紅人「似鳥沙也加」，4年前憑住一輯浴池性感相走紅，IG追蹤人數火速上升，近年更加乘住強大嘅人氣殺入寫真界，獲多本雜誌青睞。唔經唔覺，原來佢最近Fans人數已經突破100萬大關，一齊嚟睇下IG寫真女王嘅實力啦！

今年28歲嘅「似鳥沙也加」性感迷人，凹凸有致嘅身材配上電力十足嘅水汪汪大眼，舉手投足都充滿魅力，相信唔單只令男士著迷，就連女士見到都會既羨慕又妒忌。由於佢從2016年開始苦心經營社交平台，而且經常開心Share自己嘅性感靚照，自不然吸引世界各地Fans追蹤，截至目前IG及Twitter分別有103萬及31.8萬人追蹤，名符其實嘅IG寫真女王。

除咗影靚相之外，「似鳥沙也加」平時亦會出席Cosplay活動，上吓電視綜藝節目，希望日後可以見到佢更多唔同類型嘅作品啦！

資料來源：instagram@uw.sayaka、twitter@nitori_sayaka