《幪面超人系列》大約由新平成時代開始，就固定就兩位年輕女演員主演，早前就同大家分享過《幪面超人REVICE》反派Aguilera「浅倉唯」，點可以咁偏心唔介紹埋另一位女主角五十嵐櫻「井本彩花」呢？

今年18歲嘅「井本彩花」唔好睇佢咁後生，佢早喺13歲嗰年就參加「第15屆全日本國民美少女」選美比賽，成功擊敗8萬多名嚟自日本各地嘅參賽者勇奪冠軍，同年參演日劇《女醫神Doctor X》正式出道，期後亦客串/出演過多部日劇，甚至係《幪面超人REVICE》入面演藝經驗最豐富嘅一位主演。

題外話，當年「井本彩花」贏得「全日本國民美少女」冠軍嗰陣，曾經被網民批評過唔靚兼唱歌難聽，但都無阻佢喺藝能界積極發展，如今仲做埋拉打女主角。