偶像產業發展蓬勃嘅日本，除咗有AKB48集團以及坂道系列等大型女團之外，仲有數之不盡嘅地下偶像團體，當中不乏具有實力或外表甜美嘅嘅少女，就好似為人熟悉嘅「橋本環奈」起初就係地下偶像出身，今日就同大家分享一位地下偶像，「鶯籠」成員「PINOCO」。

5人偶像團體「鶯籠」成立於2018年，團名取自其活動據點東京鶯谷，起初由現年22歲嘅「PINOCO」、「ʚ✞ばんぱいあ✞ɞ」以及「からあげ」三位成員，後來再加入分別16歲及17歲嘅兩位新成員「駄好乙」同埋「点点」，成員平均年齡都唔超過廿歲，非常青春。

「PINOCO」除咗平時出Show之外，亦因為擁有青春好身材而被多間雜誌社邀請拍寫真。唔好睇佢短頭髮眼大大就以為佢行可愛路線，但實情就係性感同清純風格都能夠同時駕馭，著水手服嗰陣就好似鄰家女孩，一換上泳衣就令人心跳加速，有辣有唔辣。

資料來源：twitter@pinoco_toricago