坂道系列女團喺日本一向備受關注，每逢有成員出寫真都會引起話題，就好似今日介紹嘅「河田陽菜」，首本寫真集未正式開賣有好多Fans預購。

今年20歲嘅「河田陽菜」，早於2017年參加「平假名櫸坂46追加成員徵選」成為加入日向坂46成為2期生，直到今年宣布推出首本個人寫真集《思い出の順番》。特別嘅地方在於呢部作品係採用半紀實形式拍攝，以「與她一起生活365日」為題花咗1年時間到處取景，記錄低19歲至20歲嘅「河田陽菜」，所以全作頁數高達256頁，係一般寫真集嘅2倍以上，非常有gimmick。