為免觀眾只係齋睇身材而忽視演技，唔少身材好嘅女星平時都會收收埋埋，間唔中先會稍為性感一下催谷人氣，就好似今日介嘅「宮下かな子」。

今年26歲嘅「宮下かな子」，自2015年於電影《罪の余白》客串女學生後加入藝能界，並喺同年參演首部舞台劇作品《転校生》，歷年嚟活躍於電視、電影及舞台劇界，其中就包括《亞人》、《笑傲曇天》及《群青戰記》等漫改電影。除此之外，佢間唔時亦會為雜誌拍下寫真，大膽挑戰各種水着及內衣造型，展示玲瓏纖巧好身材，唔知佢有冇打算出返本個人寫真集呢？