今日係咩日子？四月最後一個星期日？錯啦！最正確嘅答案係「母親節」前兩個禮拜！點解我會記得？因為文青亞媽老早就開始提醒我母親節有幾咁重要、佢眠乾睡濕湊大我又有幾咁偉大、而及佢本人又幾想換返部iPhone 6 Plus！

咁你又唔好話，媽媽其實都真係幾偉大。尤其當你諗到喺今時今日嘅社會，媽媽要餵哺母乳，其實都仲有好多顧忌！本身作為兩子之母嘅攝影師Ivette Ivens就認為有必要推廣呢個概念。所以搵黎多位母親拍攝餵哺母乳嘅主題照片。