生得嬌小玲瓏嘅「岸みゆ」向來以可愛妹妹形象示人，但隨住踏入21歲生日，佢就打算換下形象，拍咗輯寫真挑戰成熟性感造型。

踏入21歲冇耐嘅「岸みゆ」，出道前已經係一個頗有名氣嘅KOL，後來被著名經紀公司01familia睇中，喺2020年加入旗下女團「＃ババババンビ」出道成為隊中嘅嬌小可愛擔當，更憑細粒得嚟但凹凸有致嘅身材殺入寫真界，並登上過唔少雜誌封面。為慶祝21歲生日，佢早排就以稍為成熟嘅造型拍咗人生首本數碼寫真集，向Fans們展示「大人」嘅一面，唔知大家鍾唔鍾意呢！