夢想，係每個人細個都有、但長大後都放棄咗嘅嘢。正因為如此，敢於追夢嘅人散發出黎嗰陣光茫係特別吸引人！好似今晚要介紹嘅呢位「そよん」咁，就係因為佢勇於追夢所以我先咁留意佢……咩話？你話因為佢有 (疑似) H Cup身材？傻啦我點會咁膚淺！

そよん嘅父母都係移居日本嘅韓國人，所以出生、成長於日本嘅佢雖然係100%韓國血統，亦係韓國國籍，但就能操一口流行日語，亦喺日本生活。大學畢業之前嘅そよん就如一個普通人一樣，實際上佢畢業之後亦真係做過一陣子OL，但最後為咗追夢而離職，輾轉加入多個偶像團體，亦曾用「澪田ゆい」呢個日本名，後來為咗表明自己嘅身份先用返真名「そよん」。特別值得一提嘅係，そよん自小聽力就有問題，所以做偶像時頗為辛苦，亦係佢後來轉型嘅原因之一。

2020年初，そよん首次登上《週刊Young Jump》正式水著出道，標緻樣貌配上均稱身份獲得好評，後來亦登上《週刊Playboy》、《FLASH》等知名雜誌，目前已經係小有名氣嘅水著偶像，亦有經營自己嘅YouTube頻道，分享下拍攝花絮、生活日常。

圖片：soyon_1231 on Twitter