日本成人界人材輩出，當中唔少女優都殺出一條血路，成為國際知名嘅影星。不過要數到入行前就已經叱吒一時嘅，唔係偶像團體出身嘅三上悠亞，就係人氣寫真偶像高橋聖子。而高橋聖子就於日前突然宣佈引退，出埋5月最後一部作品就退出成人業界。

#たかしょー#たかしょー引退#ありがとうたかしょー#高橋しょう子引退 pic.twitter.com/xbkqFvVCEz

— 高橋しょう子 (@TS_takasho) April 1, 2022

pic.twitter.com/5oAMZ5fKPq

— 高橋しょう子 (@TS_takasho) April 1, 2022

現年28歲嘅高橋聖子原名高崎聖子，2012年時以偶像團體出道，及轉戰水著寫真界，憑住傲人上圍成為當時得令嘅寫真偶像，可惜於2015年被爆出援交醜聞而引退，相隔半年後改名高橋聖子AV出道，當時被稱為「AV界救世主」，而佢亦於業界渡過5年穩定發片嘅時光。

但高橋聖子突然於4月1日於Twitter發佈42秒影片宣佈引退。於影片中，高橋聖子話引退係因為健康問題，「有啲作品要拍到好夜，體力開始跟唔上」，再加上「考慮到世界目前的情況，以及拍攝的風險」，認為要顧及自己嘅身體健康，所以決定引退。最後一部作品將於5月發行，考慮到業界拍好一部作品再到拎出黎賣之間通常會隔好幾個月，亦即係佢早於去年年尾、今年年初就已經決定引退。

由於發佈引退嘅日子係4月1日，唔少人都以為或希望係愚人節玩笑，不過就睇高橋聖子今日發文回憶五年前初入行拍攝時嘅感想，加上片商Moodyz亦發佈嘅感謝宣言，今次引退相信係認真嘅。咁就唯有祝願高橋聖子往後生活愉快！