雖然每次介紹來自泰國女仔，大家都會話佢哋其實係男仔，但無可否認嘅泰國的確有好多外貌身材都相當出色嘅網紅，其中於IG上有近160萬Fans嘅「Alicebambam」更可謂當中最為香港男士們熟悉嘅俵俵者。可惜嘅昨日泰國方面突然傳出惡耗，指Alicebambam因意外離世，享年僅27歲。

據泰國媒體報導，「Alicebambam」本名「Arisara Karbdecho」，而其友人昨日對外公佈，早於兩個月前Arisara因進食時不小心噎到而缺氧昏迷，靠呼吸機延命至昨日正式不治。友人指Arisara臨終前「像睡美人一樣」。翻查其IG，亦發現原本更新得頗為頻密嘅Arisara，於3月3日發佈最後一張相後就冇再更新。網民得知消息後紛紛湧進其IG留言悼念。

Arisara早於2016年就已經憑可愛樣貌加豐滿身材，以及Cosplay照紅遍泰國、台灣等地，我哋亦曾於2016年撰文介紹。如今年紀輕輕就香消玉殞，實在令人心傷。

資料來源：Khaosod.co.th、alicebambam on IG