喺2020年頭，我哋曾經同大家介紹過號稱「集清純與性感於一身」嘅「黒木ひかり」。當時嘅佢憑住「高校4年生 (因為要留級)」嘅身份，黑長直清純可愛外貌，再加唔算豐滿但應有盡有嘅身材，於寫真界寫出一番名氣。但之後我哋就冇再介紹過佢啦，點解呢？因為佢紅到已經唔使再影寫真，直接去咗做演員！係近日佢再次為《週刊Playboy》拍攝寫真，我哋先有嘢講咋。

新相得上面兩張，唯有睇下舊相先啦

卻說最新一期《週刊Playboy》就以「Ultraman女英雄」為主題，搵返過去幾年曾經參與《Ultraman》系列作品嘅女星出黎拍攝寫真，而黒木ひかり就曾於2020年播出嘅《Ultraman Z》中出演大田結花一角，於是佢係事隔年半之後再次為《週刊Playboy》拍攝寫真，亦係佢近年少有嘅性感演出。

黒木ひかり於Twitter上指出，雖然好耐都冇拍過寫真，但今次拍攝非常開心，仲好希望大家可以快啲見到。而喺訪問中佢亦提到，經過前後5年半嘅高中生涯，佢終於喺舊年成功畢業，而且因為當時已經20歲，所以一畢業就覺得自己已經「長大成人」，亦希望可以展現更多「成人黒木ひかり」畀大家睇。唔知係咪即係話黎緊會拍返多啲寫真呢？

資料來源：週刊Playboy

圖片：kuroki_hikari on IG