日本素來都係寫真大國，從來只有日本寫真女星紅到外國，甚少見到外國女星「反攻」日本——但少見唔代表冇！近來就有兩個非日本著名寫真女星「反攻」日本寫真市場，佢哋就係來自台灣嘅林襄，以及韓國嘅「Eunji」！

相信有留意開台灣靚女嘅，都唔會對林襄感到陌生。1997年出世嘅林襄曾經以「瑞希」之名做過遊戲實況，後來加入中華職棒樂天桃猿啦啦隊「Rakuten Girls」，多次因為樣靚身材正，令場邊表演片段登上各大討論區而成名。去年推出第一本個人寫真《與你襄遇》，今年再接再厲推出《與你襄愛》兼且反攻日本，最近更為日本著名少年雜誌《週刊Playboy》拍攝寫真。

而來自韓國嘅「Eunji」來頭就更大。本來係一名DJ嘅佢，早於2018年就憑住可愛面貌、不科學身材再加有CPA資格嘅會計畢業生身份而引起話題，當時我哋就已經介紹過佢。後來佢專心經營自己嘅社交媒體及YouTube，一系列換衫影片創下千萬觀看。近來佢就去咗日本發展，同樣亦登上《週刊Playboy》。

林襄IG：95_mizuki

Eunju IG: pyoapple