小動物就係人都鍾意，而當中有唔少人都非常鍾意貓，所以網絡上亦出現「有貓我就讚」呢句說話。如果根據呢個說法，個名已經有貓嘅「猫宮あすか」，大家未睇佢啲相都可以先Like，睇埋佢啲相我直頭Like爆佢添呀！

現年22歲嘅「猫宮あすか」係一名日本、菲律賓混血兒，喺一年之前佢都仲係一個不折不扣嘅素人，但自己今年3月開始參加攝影會之後，人氣就火速增長，慢慢由最初嘅便服寫真，影到後來嘅泳裝寫真，9月時更推出首隻個人寫真DVD，正式水著出道。早前更於《週刊Young Champion》舉行嘅年度寫真選美比賽奪得「準優勝」，前途無可限量！

「猫宮あすか」擁有如公仔一樣、高貴與可愛兼備面孔，就連佢嘅Twitter自我介紹都自稱為「Gura-I-Doll (水著偶像Gura-idol嘅食字)」，而首本寫真集亦用上「大小姐與管家出遊」做概念，由高貴打扮一路越著越少，展現E Cup上圍同佢引以為傲嘅翹臀——呀貓係幾鍾意人哋拍Pat Pat架喎……

IG：asu_chan_team