唔少女星為咗要維持男Fans嘅支持，都會對外聲稱單身，所以萬一傳出拍拖、甚至與男人幽會嘅報導，人氣就會火速下滑。不過今日要介紹嘅呢位「横野すみれ」，就算曾經被爆出與兩名男星開房，都能夠絕地翻身！因為佢挾「48女團史上最強Body」之稱，加入寫真界！

其實兩年前我哋就已經介紹過横野すみれ，當時佢仲係NMB48成員之一，但就已經憑住超好身材、甜美外貌於寫真界獲得好成績。但去年佢被爆於一個星期內，先後與兩名「關8」成員約會，過夜都唔緊要啦仲要一腳踏兩船，頓時令其聲名狼藉，最後宣佈退團，更一度傳出要下海拍AV。

不過事隔一年，佢就與寫真界龍頭之一「01familia」簽約，全面進軍日本寫真界。而呢一年佢亦不停為各大青少年雜誌拍攝性感寫真，喺佢嘅「最強Body」面前，已經冇人再介意佢嘅過去，大家都放眼未來佢可以拍攝更多、更性感嘅寫真。套用一句台灣嘅網絡用話，真係「本斥但大」呀！