雖然日、韓等地嘅偶像文化非常濃，但咁亦意味住偶像們、特別係知名度未夠高嘅偶像，要非常出力先可以留住Fans。好似今日要介紹嘅呢位「佐野さくら」，為咗令Fans開心，甚至投其所好特登同對方傾股票。但睇完佢啲寫真照之後，或者影多啲性感相，其實就係留住Fans嘅更簡單方法？

現年19歲嘅佐野さくら係日本偶像團體「欲バリセンセーション (直譯為貪心的Sensation)」嘅紅色擔當，而日前佢就為《FRIDAY》獻出自己嘅寫真處女作，可以見到佢眼大大嘅佢皮膚非常白滑，而且有住唔少人都覺得好可愛嘅虎牙，展現出青春魅力。不過佐野さくら喺訪問中就講到，佢之所以會嘗試拍攝寫真，其實係希望吸引大家去睇佢哋嘅現場演出，咁係咪即係冇咩人去睇嘅話，佢就會繼續拍寫真？咁就真係唔知支唔支持佢好啦。

不過可以肯定嘅係，佐野さくら本人非常希望團體能夠獲得更多人留意。喺訪問中佢提到，有時表演時見到應援人數唔夠多會覺得失落，但每次都鼓勵自己下個星期會更加好；同時佢為咗令Fans更開心，更會記住Fans們嘅喜好，如果對方鍾意玩股票佢就同對方傾股票，如果對方鍾意睇棒球佢就同對方傾棒球。由此可見做偶像其實都唔係咁容易架。

IG：sanosakurachan