上星期就同大家介紹過，日本女子偶像團體 「#ババババンビ」嘅七名成員於近年都先後加入寫真界，堪稱「全員水著中」，而其中一位成員就係我哋已經介紹過好幾次嘅「岸みゆ」。咁點解今日又介紹？因為學桂神話齋，好波不妨一睇再睇嘛。

現年21歲嘅「岸みゆ」，乃係「#ババババンビ」嘅五名成員之一，亦係去年「宇咲」加入前團體中最年輕嘅成員。而講起當初岸みゆ能夠入行，其實都係拜日本大熱嘅TikTok所致。卻就當時仲讀緊高中嘅岸みゆ有玩TikTok嘅習慣，而當時一頭金髮嘅佢就上傳咗一條食烏冬嘅影片，結果唔知點解就爆紅，然後就收到現時經理人嘅電話邀請加盟。隨住目前人氣增加，當日岸みゆ食烏冬嘅鋪頭亦被Fans稱為「傳說開始的店舖」。

而岸みゆ仲有另一個特點，就係佢身材非常嬌小，只有145cm。據佢於訪問時透露，自己好細個開始就已經停止長高，以前讀書嗰陣年年都係排第一，而且佢仲矮到捉唔到日本電車上嘅扶手，所以曾經好討厭自己嘅身高。不過自從加入演藝界後，佢就發現原來身高係佢嘅武器。其實又啱呀，因為數字上黎講，岸みゆ嘅上圍只有29c，但就係因為佢身材嬌小，所以影出黎都幾有睇頭架！

IG：miyu_kishi0213