日本動漫文化盛行，參加Cosplay等「衍生產業」嘅人數自然就會更多，人多嘅話出現靚女嘅機率自然亦會提高，再考慮到佢哋Cosplay嘅動漫角色露出度經常都奇高，一眾Cosplayer可以話係寫真界嘅「預備軍」。而「赤羽もも」就係由「預傭軍」轉任「正規軍」嘅最新例子。

根據官方資料，赤羽もも現年係「15000歲」——好明顯係係角色設定黎，實際歲數我搵唔到——但身高就只有149cm，係一個非常非常嬌小嘅女仔。但身形嬌小又唔代表身材都小，官方資料話佢上圍有36.5G，考慮到佢嘅身高，出到黎嘅視覺比例可以話頗為驚人。而熱愛Cosplay嘅佢，更經常於IG、Twitter上傳性感Cosplay照，難怪佢個IG有成8萬人Follow，Twitter追蹤人數超過12萬，更曾登上日本綜藝節目。

近期佢就住挾住呢股網上人氣，正式加入水著寫真界，推出首隻寫真DVD《Meow！》。除咗睇個名就知係用貓黎做主題之外，當然唔少得性感水著，露出純天然小麥色皮膚，大家又點睇呢？

IG：momoakabane