我逢星期一至五晚都為大家介紹一個靚女，而且儘量都唔重覆，自問係非常了解男人究竟鍾意睇啲咩。但我近日就遇到一個難題，就係我諗唔明點解日本寫真女星「なな茶」，喺TikTok可以有成360萬Followers？

首先，「なな茶」其實我哋喺2021年時都有介紹過，當時佢已經係TikTok上有過百萬Followers嘅知名網紅，而當時佢之所以咁多人睇，一來因為佢身材真係非常好，二黎係佢有拍一系列行樓梯呀、跑步呀，反正就係等個心口有幾「浪」得幾「浪」嘅片，實話實說真係幾好睇。而なな茶亦靠住超強網絡人氣進軍主流媒體，除咗電視節目之外，更為N本日本雜誌拍過N次寫真。

問題就出喺呢啲寫真到啦。脫離TikTok嘅濾鏡之後，なな茶嘅真人雖然的確係上圍豐滿，但整體身材明顯屬於多肉……好多肉嗰種。而且佢嘅五官，亦同當年喺TikTok見到嘅頗有不同。但似乎露出真身對佢嘅人氣毫無影響，依家TikTok Followers甚至已經去到360萬……係咪我已經跟唔上時代嘅改變？

IG：nanacha_0211