亞洲眾多國家之中，寫真風氣最濃厚嘅當然就係日本，其次大概就應該係台灣。近年甚至出現台灣女星如「雞排妹」鄭家純、林襄等「反攻」日本嘅情況。而以下要為大家介紹嘅呢位「王子妃」，就直頭係去埋日本發展添！

「王子妃Fay Prince」本名程千慈，台灣出生及長大嘅佢曾經就讀輔仁大學大眾傳播學系，並於大學時期加入魔術社開始學習魔術，2012年時更曾登上中國電視台嘅節目，以「扯破絲襪找撲克牌」引起話題。2013年又曾經與日本攝影師吉田舜合作，幾乎全裸出鏡Cosplay「富江」再次引起話題。往後佢就以性感Cosplay於社交媒體上活躍。

近年佢就轉向日本發展，除咗推出寫真DVD，最近更參加《週刊Spa！》舉行嘅「寫真魂Award」贏到大賞，並為雜誌拍攝得獎寫真。雖然目前已經33歲嘅佢唔再係年輕妹妹，但就以「台灣來的性感姐姐」為主題拍攝出一系列大尺度性感寫真。唔知各位又睇唔睇佢喺日本嘅發展呢？

IG：fay198978