{ SKIP }
文:MenClub 魏文青  
POSTED ON 11 Jan 2023

大家或者聽過,日本有一個過百年歷史、不論係男角、女角通通都由女性演員出演嘅著名劇團「寶塚歌劇團」。由於劇團嘅演出需要,所以演員們通常都係以極濃嘅妝容示人,幾乎睇唔清佢本身係咩樣,更惶論去討論佢本人靚唔靚、正唔正。不過今日要介紹嘅呢位「吉田莉々加」,去年退出劇團後,近日獻出自己嘅初次水著,相信會顛覆大家對於「寶塚歌劇團」嘅印象。

2000年出世,現年22歲嘅吉田莉々加,16歲時就已經加入寶塚歌劇團旗下嘅音樂學校,2018年成為劇團嘅正式團員,去到舊年4月先正式退團,並加盟上戶彩、岸明日香等人所屬嘅經理人公司,開始向劇集、電影方向發展。如果你去睇佢個IG,你或者會覺得佢「冇嘢好睇」,一來佢啲相幾乎全部都係普通日常照,而且仲包到鬼咁實連對手都唔太見到。但佢近日就為《FLASH》獻出自己嘅初水著,效果可謂驚為天人!

擁有173cm模特兒身高嘅吉田莉々加,有一對大長腿就係基本嘅事,真正亮眼嘅係原來佢上圍亦非常有料,加上全無贅肉嘅腰身,身材方面真係挑唔出啲咩毛病。唯一可惜嘅,就係佢影得唔夠多!成輯相加埋得嗰幾張,到喉唔到肺!希望佢未來會為大家影多啲靚相啦。

IG:ririca_yoshida

喺以外表及身材行先嘅日本寫真界(甚至整個娛樂圈都係啦),女性嘅黃金年齡大都坐落於「十零歲到三十零數」之間,過咗呢個年齡段嘅唔係成功轉型,就係選擇引退做返個平凡人。不過今晚要介紹呢位「石岡 真衣」,就係 ...
girls
【深夜】曾加入「借錢女團」及「惠比壽」 解散後「石岡真衣」回歸寫真依然有市場
25 Aug 2025
如果有留意日本體育新聞,或者會見過「一軍」、「二軍」呢類字眼,其實就即係講緊團體內嘅序列高低,當中以「一軍」為最高,即係隊伍中實力最勁、最重要嘅成員。而今晚要同大家介紹呢位「高橋かの」,就有個朵叫做「 ...
girls
【深夜】今天、明天也喜歡你 戀綜出身超一軍女子「高橋かの」
25 Aug 2025