雖然過冇以前咁盛行，但至今街頭上都依然有唔少人派傳單做宣傳，而相信大部人面對傳單嘅反應都係直接行過。但如果你喺日本街頭見到有女仔派傳單嘅話，或者就要留意佢係咩人，因為今晚要介紹嘅呢位「柊きき」，當初就係因為派傳單而走紅！

官方年齡「不明」嘅「柊きき」，其實係一名日本偶像成員。去年8月佢作為新成員加入女子偶像團體《夜光性アミューズ》，為咗宣傳就曾經於涉谷街頭進行「派一萬張傳單」活動，結果就引起唔少報導因而廣為人識。於今年1月與集英社合作推出嘅電子寫真更加大賣，喺寫真界亦嶄露頭角。集英社旗下嘅《週刊Playboy》近日亦再次搵佢拍攝新寫真，睇黎已經成為寫真界不容小看嘅新人。

「柊きき」嘅最大特色，就係佢有對非常突出嘅大眼睛，以為非常高挺嘅鼻樑，我諗唔少人甚至會覺得佢個樣有些少假。不過「柊きき」其實仲有一個同為網紅嘅孖生姊妹「森ふう花」，兩姊妹睇落去個樣頗為相似。換言之，佢哋兩個一係一齊去搵同一個地方做後天加功，否則就真係天生已經係咁嘅樣……唔知做佢哋爸爸嘅日子係點樣過嘅呢？

IG：kiki_u___