Netflix近排多咗套以相撲為主題嘅劇集《相撲聖殿》，令唔少人再次留意呢項人氣漸漸溝落嘅日本國技。而同樣因劇集而引起大家興趣嘅，仲有於劇中飾演陪酒女「七海」、水著偶像出身嘅「寺本莉緒」！今晚就同大家睇睇佢於戲劇外嘅美態啦！

其實我哋之前都曾經介紹過寺本莉緒。現年21歲嘅佢，小時候曾經做過兒童模特兒，中學生時因為見到上台表現嘅朋友而令佢產生加入藝能界嘅目標，14歲時就已經開始參加日本嘅選秀比賽而出道。不過要數佢嘅成名作，就一定係17歲時參加「Miss Magazine 2018」，仲拎到等同亞軍嘅「Miss Young Magazine賞」，自此就加入寫真界發展。

有住一棚可愛免仔牙、嬌的的嘅152cm身材，以及G Cup上圍嘅寺本莉緒，好快就於寫真界打出名堂，亦成功幫佢爭取到戲劇演出。不過相比之下佢嘅戲劇發展就唔算順利，幾年黎都未算有特別亮眼嘅演出，近來仲見到佢刻意封胸希望改變形象。不過今次《相撲聖殿》中，其實都係因為佢身材出眾先被人留意，或者佢應該更加善用父母畀佢嘅最「大」武器啦。

IG：lespros_rio