琴日介紹本身都係水著寫真Fans嘅「天野きき」時，就提到佢話過，如果自己要做寫真製作人，就希望為「Miss Magazine 2022」總冠軍「瑚々」拍攝寫真，佢仲大讚呢名只有18歲嘅少女擁有一對超絕美腿！既然佢讚到咁誇張，我哋今晚就黎睇下「瑚々」究竟有幾正啦！

現年18歲、今年3月先啱啱高中畢業嘅「瑚々」，其實早於2015年，即係佢11歲時就已經於日本著名經理人公司「ITOH」舉行嘅選秀比賽中獲得首名而出道，小學畢業後更加開始其演員生涯。2020年時曾入選集英社舉行嘅「制コレ (制服Collection)」最後15名，2022年更成為「Miss Magazine」嘅共同大賞之一，從此開展其寫真之路。

而據「天野きき」表示，「瑚々」雖然年紀輕輕，樣貌亦稚氣未除，但就感夠擺出相當成熟嘅表情。更重要嘅係身高達173cm嘅「瑚々」擁有一對超靚長腿，著緊緊身泳衣時殺傷力極大，連「天野きき」都話想不停低炒佢對腳。唔知各位又認唔認同「天野きき」嘅推薦呢？

IG：itoh.c_coco