兩年前我哋曾經同大家介紹過當時仲係高中生嘅「黒嵜菜々子」，當時嘅佢已經憑住超高顏值，於日本演藝界、寫真界佔一席之地。兩年後嘅今日，佢已經係個亭亭玉立嘅少女，寫真繼續好睇就不在話下，最近仲憑一個廣告而人氣再急升！究竟佢係有幾可愛呢？

現年20歲嘅「黒嵜菜々子」早於13歲時就成為日本少女向雜誌《Sho-Comi》嘅「Princess Audition」冠軍而成名兼出道，進入高中後曾經參加過偶像組合「26時のマスカレイド」嘅新成員選拔，但最終就冇入到團，反而同其他參加者組成新團「Peel the Apple」活動至今。2021年即將滿18歲之際，再於《週刊Playboy》寫真出道，從此人氣就不停攀升，亦成為各大雜誌嘅寫真常客。

相信大家睇相都會發現，「黒嵜菜々子」嘅身材偏瘦，34-22-34嘅身材數字，放眼於日本寫真界亦唔算標青，算係「瘦得黎有肉」。但佢天生一對楚楚可憐嘅水汪汪大眼睛，令佢可愛度標升。好似最近佢為日本搬屋公司「引越し侍」拍攝嘅廣告，就係著住可愛服裝跳下舞咁，一啲肉都冇露出黎，但就已經足夠引起網民討論。下年夏天佢就正式滿21歲正式成人，唔知到時佢嘅寫真又會唔會更加成熟吸引呢？

IG：kurosaki0516