好，又係時候戴返個頭盔啦。因為以下嘅嘢文青都係道聽途說，再當趣聞咁分享下比大家知架啫，係真係假我都唔知架下！

話說上個星期就流出咗一條聲稱係內地著名女演員兼叉燒炳新抱楊冪比人迷「女女女」嘅片，之後人家又否認又報案又禁止流傳又盛，真係不禁令人諗返起當年嘅「奇拿事件」。又到後來有人仔細研究過段片，就話片中女子身上嘅痣同楊冪有所出入，所以相信應該唔係楊冪黎；仲有人指片中人其實係一位叫「阿琳(化名)」嘅溫州女子，上年6月一次飯局飲醉後，被代理駕駛撿屍拍片勒索，件事仲上埋新聞添。

好啦，咁當連一路都傳同新抱不和嘅叉燒炳都走出黎話「好多人整到同佢一樣」啦，咁我哋唯有就信啦！但問題係呢個「阿琳」究竟係乜水呢？近日就有台灣網友指搵到呢位「阿琳」真人！

似到一個地步，係我其實攝咗兩張真楊冪入黎，但你係咪發覺唔到呢！

講開又講，當日勒索「阿琳」嗰位男子，最後被判入獄8個月同罰款2000人仔，有網友就話「抵X」喎…佢哋講咋，唔關我事架！