或者係因為細個被電視影響、加上身邊最常會打牌嘅人就係自己阿媽，所以唔少香港人都會覺得打牌嘅女人通常都係「師奶」。但去到有職業「麻雀士」嘅日本，打牌唔單止冇被「師奶化」，甚至有唔少女性雀士靚到踏足寫真界。當中除咗有之前介紹過嘅「岡田紗佳」之外，就有今晚要介紹呢位「高宮まり」。

現年34歲嘅「高宮まり」細細個就睇「倉田真由美」以及「西原理惠子」嘅漫畫而了解有「職業雀士」呢個職業，於是佢由中學就開始打牌、20歲開始上網打，同時去雀館兼職，22歲正式成為職業雀士，而且成績仲相當唔錯。由於佢嘅「雀風」充滿攻擊性，所以又有「Lady Berserker (女狂戰士)」之稱，亦為佢吸引到唔少「雀迷」。

而喺佢成為職業雀士嘅同年，佢被日本麻雀聯盟邀請拍攝雀士水著年曆，當時佢本住「為咗麻雀咩都肯做」嘅心態答應，點知佢身高雖然僅得153cm，但上圍就有G Cup，再加上不俗嘅外貌，一拍出黎效果驚為天人。從此佢亦兼職做埋寫真偶像，出過十幾本以麻雀為主題嘅個人寫真，亦曾經與「岡田紗佳」合作推出電子寫真集！相信就算各位平時唔打牌，都會想同佢砌返幾圈呀！

IG：takamiyamari