日本大型女團嘅影響力及人氣早已從高峰滑落，其中一個最直接嘅結果，就係唔少女團成員都決定離開團體單飛尋求突破，導致近年幾個大團體嘅「卒業率」大幅上升。好似今晚要同大家嘅呢位「中村歩加」咁，就係去年從NGT48中卒業單飛，早前再為雜誌獻出單飛後首次水著寫真，希望衝一波人氣。

現年25歲、來自日本新潟市嘅「中村歩加」，於2015年成為AKB48嘅新潟姊妹團NGT48嘅一期生，再於2018年成為正規成員，啱啱好趕得切參加當年舉辦嘅第十屆、亦係目前為止最後一屆AKB總選，仲成功打入前64名成為當屆「Future Girls」之一。可惜嘅係之後佢嘅偶像事業並無重大發展，最終於去年3月宣佈卒業。

雖然稱唔上係大紅大紫，但其實「中村歩加」頗有自己特色，例如佢好鍾意玩《Splatoon》以及「馬娘」等遊戲，所以目前佢個YouTube頻道都係以打機片為主。就算大家膚淺一啲咁淨係睇外表，佢亦擁有一對大眼睛以及燦爛笑容，再加上修長身段以及一對佢自己都非常滿意嘅美腿 (佢本人滿意嘅主要係大腿部份)，IG上每次更新稍為清涼少少嘅照片都會得到日本媒體報導，可見佢其實非常有潛力——或者影多啲寫真就係個好方法？

IG：nakamuland_official