相信依家大家都好清楚咩叫「傲嬌」，但你又知唔知日本「傲嬌」始祖係邊個？近日童星出身、已成兩子之母嘅日本女星「秋山依里」時隔13年復出拍攝水著寫真，而於訪問當中，佢就透露自己就係「傲嬌始祖」！

現年33歲嘅「秋山依里」係童星出身，而佢嘅成名作，就係2005年15歲時以舊藝名「秋山奈々」於《幪面超人 響鬼》中出演美少女「天美あきら」一角，成為當時一眾少女少男嘅偶像。據佢近日復出接受訪問時表示，到十幾年後嘅今日，佢都仲會收到當時嘅Fans來信，指自己非常喜愛佢當年嘅傲嬌演出，自己嘅「初戀對象」就係當年嘅秋山依里。秋山依里亦指，當年「傲嬌」角色只存在於漫畫、動畫等二次元作品之中，將佢帶到三次元嘅人就係佢，所以佢係「傲嬌始祖」。

不過當年「秋山依里」成名後，於20歲就決定與年長三歲嘅男友結婚，翌年就生咗大女，2013年仲做埋兩女之母，佢亦隨即退出演藝圈專心持家，並改以Cosplayer嘅名義於IG上活動。今次之所以會復出拍寫真，係因為當年佢曾為佢拍攝寫真集嘅攝影師力邀佢出山，佢亦希望借此機會探索下重新工作嘅可能性。唔知各位又支唔支持佢呢個決定呢？

IG：akiyama__eri