雖然話日本寫真文化源遠流長，一般大眾都對此習以為常，但普遍父母們都唔希望自己個女要靠行性感為生——除咗今晚要介紹呢位「湊みそら」嘅爸爸。事關「湊みそら」之所以會入行，就係因為佢老豆大力鼓勵，但有趣嘅係到個女真係出道，拎啲作品返屋企時，佢老豆又話「你咁樣太過份了！」真係神又係佢鬼又係佢。

現年22歲嘅「湊みそら」雖然係憑住參加日本少年雜誌《Young Champion》嘅水著選美比賽「Miss Young Champion」而出道，但其實佢本來嘅目標係做一個演員。咁佢因乜解究會走去參加水著比賽呢？原因就係佢老豆。「湊みそら」近日接受訪問時指，當時佢老豆同佢講「你除了胸部之外甚麼都沒有」(其實幾Mean)，仲係咁叫佢報名選美，而佢自己又眼見媽媽同妹妹嘅上圍都非常豐滿 (佢本人係I Cup)，赫然發現原來身材係家族遺傳優勢，所以就決定充分利用，為自己爭取出道機會。

在 Instagram 查看這則貼文

湊 みそら（@misora_215）分享的貼文

到目前為止，「湊みそら」已經出咗三隻寫真DVD，而且尺度仲一部比一部大，睇黎就真係有將當年老豆嘅「建議」擺喺心入面。但搞笑嘅係，近來佢將最新DVD拎返屋企畀老豆睇時，老豆見到其中一幕係佢「真空著透視連衣裙再吸入媚藥」，結果反而鬧佢「咁樣太過份！」唔知Uncle有冇後悔當年叫個女去拍寫真呢？

IG：misora_215