雖然話《美少女戰士》係以少女觀眾為主，但其實唔少男仔當年都非常鍾意睇，甚至年紀小小就已經識揀第時要搵邊個美少女戰士做老婆。而如果你當年嘅選擇，係性格爽快嘅木野真琴嘅話，咁今晚要介紹嘅呢位「松村キサラ」就好可能係你杯茶，因為佢就係真人版木野真琴！

現年20歲嘅「松村キサラ」係一名日本新人演員，最早於15歲時就憑日本電視台嘅校園劇《俺のスカート、どこ行った?》出道。不過佢最廣為人識嘅作品，應該就係2021年起多次出演Abema TV嘅戀愛真人Show《今日、好きになりました。》，令其人氣急升，同年再於《美少女戰士》舞台劇《美少女戦士セーラームーン かぐや姫の恋人》中飾演「Sailor Jupiter 木野真琴」。近年則主要為日本長壽情報番組《めざましテレビ》擔任助理主持，以及出演以高校生為主嘅綜藝《超無敵クラス》為主。

而隨住年齡漸長，佢亦不能免俗地開始拍攝寫真。單係今年就已經先後登上《Young Jump》及《週刊Playboy》。雖然上圍唔算豐滿，但身高166cm嘅佢，最大賣點就係一對白滑大長腿，加上燦爛笑容，的確係有幾分木野真琴嘅味道。大家可以期待下佢嘅未來發展啦！

IG：kisara_official