由日本寫真雜誌《Flash》舉辦嘅「ミスFLASH（Miss Flash）」選美比賽，每年都為日本寫真界帶來唔少新面孔。而最新一屆「第十八回ミスFLASH」於經過半年比賽後，亦已於上月中完滿結束，三位冠軍人馬全數出爐。而其中一位「遠藤まめ」就份外受人著目，原因係佢參加比賽前，其實係一間日本「著名企業」嘅公關員工，而嗰間「著名企業」，叫做「SOD」！

現年27歲嘅「遠藤まめ」，早於2021年11月就開始以「遠藤麻衣」之名，再加「SOD公關職員」身份經營社交媒體。雖然我唔肯定佢實際上有冇真係做過SOD嘅公關工作（亦唔重要），但可以肯定嘅係佢曾經以「SOD職員」嘅名義，於SOD經營嘅「新中野SyainBar」工作。不過後來佢就冇向SOD嘅「主業」靠攏，反而開始出去拍水著影真，並於去年參加「Miss Flash 2024」。

結果佢就一路過關斬將，更曾多次於封面、中頁爭奪戰中勝出，最終成為「Miss Flash 2024」嘅三位總冠軍之一（Miss Flash不分三甲，可以有多個「總冠軍」），同時亦係三人中年紀最大、身高最矮（153cm）嘅。目前睇黎「遠藤まめ」會繼續向寫真界發展，不過考慮到佢同SOD之間嘅關係，或者、可能有一日，大家會見到「重返舊公司」？

IG：pm.mame