十年前深夜系列剛開始時，「逢沢りな」係我好鍾意Post嘅日本女星，一來當年演完「轟音黃」而爆紅嘅佢正值「十八廿二」嘅黃金年華，真係靚得誇張；二來當年Post親佢啲相大家反應都好好，在公在私都值得介紹。不過好快佢宣佈寫真退役，只在2017年及2022年短暫回歸，直到近日為慶祝寫真出道15週年，事隔12年再推個人寫真集。雖然已經由當年嘅少女變成即將33歲嘅熟女，但依然展示出「雕像級胴體」。

新寫真圖

《週刊Playboy》近日刊登咗「逢沢りな」新寫真集嘅部份照片，仲同佢做咗個訪問。「逢沢りな」提到，由於多年冇出過寫真集，所以去年公司向佢提案時，佢感到相當不安，但最後仍為咗向Fans展示「不一樣的自己」而答允，仲為咗擁有一個「男性們會喜歡嘅豐滿身形」，而暫時放低練習多年嘅瑜伽、帶住「新年肥」前往越南拍攝。拍攝尺度方面亦無事先設限，一切都係現場隨心所致。結果出名瘦底嘅佢於寫真集中有更豐腴嘅身材，而且更有「手Bra」等往日未見嘅大膽姿勢，連《週Play》編輯部都表示今次係佢最具「誘惑性」嘅表現。

過往寫真圖

而「逢沢りな」自己亦非常滿意新寫真集嘅成果，表示自己一直都好嚮往「美術館中展示嘅裸體雕像」，覺得嗰種「純粹嘅身型之美」非常有型。佢亦希望Fans們對比一下15年前嘅出道寫真，會驚訝於佢多年黎嘅變化。

IG：aizawarina0728