以外表為賣點嘅幕前工作，好多時都屬於有年齡限制嘅「青春飯」，尤其女藝人到某個年齡段後就好難再維持外表，又要面對年輕後輩嘅挑戰，好多時都需要轉型尋找出路。好似今晚要介紹呢位「佐野マリア」咁，如果你依家去睇佢個IG，或者會覺得佢係個韓風美妝KOL，但其實幾年前嘅佢，乃係一名寫真女星，而且尺度仲幾大添！

現年33歲嘅「佐野マリア」，細細個時就因為鍾意「Morning娘」而夢想加入娛樂圈，於是長大後就不停參加各種試鏡，到2014年時以「辻柚音」之名寫真出道。往後幾年佢嘅發展都尚算順利，熱愛運動、高中時參加過全國排球賽嘅佢，更於2016年成為東京京王閣競輪場（競賽單車）嘅吉祥物女孩之一。2018年佢改以「佐野マリア」之名重新出道，憑住日漸成熟嘅大人魅力令人氣再進一步。

不過近年佢就突然退出寫真界，除咗2020往後再無新寫真作品推出之外（呢篇文嘅相都來自2020年或之前），IG上亦多咗好多同美妝相關嘅帖文，似乎就係毅然轉型。其實睇返佢嘅舊寫真，當年嘅佢外貌仍然火辣，唔拍寫真真係太可惜了。

IG：sanomaria0318