一般而言，大家都認為女星嘅學歷、專業程度嘅高低，係同佢嘅性感程度呈反比，即係學歷越高越專業，露嘅肉就越少。所以當有個高學歷專業人士選擇行性感，大家都會好奇「點解呢？」。而今晚要介紹嘅呢位「三橋くん」，就係一位讀緊藥劑嘅現役大學生，佢又點解會進入寫真界行性感呢？

雖然目前冇公開年齡，但從佢目前仲喺大學讀緊藥劑（第五年）黎推斷，「三橋くん」應該二十歲出頭。據佢早前接受日本傳媒專訪時提到，佢自細就非常鍾意化學，後來睇到漫畫《Dr.Stone》入面，主角一行人利用化學知識自製出「磺胺類藥物」，因而激起佢想投身藥劑嘅想法。雖然佢話自己嘅目標係拎到藥劑師執照，不過佢亦提到讀落之後先發現藥劑嘅課程非常繁重，所以最後畢唔畢到業都仲係未知之數。

咁唔做藥劑師可以做咩呢？當然就係大家喜聞樂見嘅寫真女星。佢於同一個專訪中透露，其實佢初中三年級時先係接觸咗Cosplay，並同朋友一齊出屆活動、亦同不同Cosplayer、攝影合作而小有名氣。到高中三年級時因為要準備升學而暫時放低Cosplay，但有攝影朋友就幫佢影咗輯日常服裝照，結果反應比佢嘅Cosplay照更好，繼而開始拍攝寫真。去年與經理人公司簽約後，更頻頻登上日本各大寫真雜誌。高學歷、外表又唔差，或者未來佢會成為一線寫真女星？

IG：mitsuhashi_zz