女性懷胎10月產子，又攰又辛苦又痛呢啲都不在話下啦，身邊唔少女性朋友仲慨嘆生完仔之後身材走哂樣，想扮靚都有心無力。所以我哋除咗要感謝媽媽們嘅偉大之外，更需要特別欣賞嗰啲生完好似無生嘅美女。好似今晚要介紹呢位「聖菜」就係一個好值得大家欣賞嘅對象。

現年22歲嘅「聖菜」於16歲、即係高中二年級時就已經懷孕，翌年生下愛女「蘭愛」。或者係年輕人恢復得特別快，又或者係佢天生麗質，反正生女對佢嘅身材樣貌可謂毫無影響，甚至連肥都唔使點減，生女同年就已經成為日本著名辣妹雜誌《egg》嘅專屬模特兒。後來轉到另一本雜誌《小悪魔ageha》，2022年時開始踏足寫真界更令佢人氣急升，目前IG已有超過24萬人追蹤。

自出道以來「聖菜」從來都無隱藏自己已經係媽媽嘅事實，2020年更公開自己於與丈夫離婚，目前正獨力照顧愛女。而除咗於IG、X（Twitter）發佈工作照及性感照之外，佢亦有經營以育兒為主題嘅YouTube，目前5歲嘅囡囡「蘭愛」亦有出鏡。無論你係想支持一個單親媽媽，定只係想睇靚女，「聖菜」都絕對值得大家支持啦下嘛？

IG：seinaaa_0318