大家可能以為做一個寫真女星，除咗生得靚、身材正、識擺Pose之外就唔需要啲咩技巧，但其實每個行業背後都有不為人知嘅一面。好似今晚要介紹呢位「杉本愛莉鈴」咁，佢外表固然非常出色，但原來佢「用唇」嘅技巧都係佢能夠深得Fans心嘅原因之一！

現年24歲嘅「杉本愛莉鈴」自細就已經加入家鄉廣島縣嘅藝能學校，10歲時就已經係日本少女時裝雜誌《ニコ☆プチ》嘅專屬模特兒，後來佢加入偶像團體「さくら学院」，並於2018年參加《週刊Young Jump》舉辦嘅著名校服選美「制コレ18」而水著出道，自此就開展佢嘅寫真界生涯。

據佢以往接受訪問時表示，自己小學六年級時身高已有160cm，於一眾學生中可謂鶴立雞群。但當時因為要做模特兒嘅關係所以節食瘦身，直到14、5歲於雜誌卒業後先放開黎食，結果唔單止身高再飆到目前嘅168cm，上圍亦跟住豐滿起來，先有依家你哋見到嘅呢副好身材。

而早前佢同廠商合作推出個人閃卡，當中除咗有好多性感靚相之外，仲有400張由佢親「咀」印上唇印嘅特別卡，佢回憶指當日要不停搽大紅唇膏、不停錫落啲卡到，笑言一日就等如普通情侶一年半嘅鍚鍚次數。不過佢亦因為「唇功」厲害，鍚出黎嘅唇印又完整又豐滿而獲激讚。唔知邊個有機會親身享受到佢苦練出黎嘅技巧呢？

IG：sugimoto_mariri