「聲優」顧名思義就係靠把聲食飯，而且過去好多年都係「只靠」把聲，大家甚至唔會知道個聲優究竟係咩樣。不過近年唔少日本聲優唔單止都會露樣，甚至會上台表演、參加電視節目，當然亦有人會更進一步賣埋身材。好似令晚要介紹要介紹呢位「豊田萌繪」就係其中之一啦。

現年29歲嘅「豊田萌繪」自小就係一個熱愛動漫遊戲嘅「宅女」，加上當時已經有聲優開始參加電視節目、舉行演唱會等工作，令佢萌生「呢個就係我想要嘅工作」嘅念頭，並於2012年，即係佢高中三年級時就主動去參加聲優公司嘅試鏡，並於同年9月正式出道，而佢目前最廣為人知嘅角色，應該係《吹響吧！上低音號》中嘅川島綠輝。同時佢亦同另一位聲優伊藤美來組成「Pyxis」，以歌手身份活動，甚至仲有參加過電影漢出，可以話非常多才多藝。

而佢有嘅另一種「才」就係身材！2017年時佢推出首本個人寫真集，結果因為佢嘅聲優身份，加上唔錯嘅身材以及白滑肌膚而大受好評。之後再於2019年添食推出第二本，近來更首次同集英社合作推出第三本個人寫真《moe》。而且因為同集英社合作，所以佢近來頻頻為日本青少年雜誌拍寫真宣傳，令更多人認識佢呢位人靚聲甜仲要身材好嘅聲優。

IG：toyotamoe