唔知大家有冇覺得過，自己平時雖然都唔係特別靚仔/靚女㗎啦，但一影證件相嘅時候就特別醜樣。好衰唔衰絕大部份要相嘅證件都要用十年八載，真係每次見到都眼冤。呢篇文就唔係想大家探討點解證件相影到人特別衰，而係想帶出有啲人即使面對證件相嘅「攻擊」都依然可以影得靚！好似今晚要介紹呢位「川瀬もえ」就係其中之一，咁你話佢真人究竟有幾靚啦？

現年31歲嘅「川瀬もえ」乃係日本有名嘅賽車女郎、K1格鬥舉牌女郎以及寫真女星。雖然佢於大學就已經被星探發掘，但一直到2020年先推出自己嘅首次電子寫真，正式開展寫真之路。2021年加入日本Super GT車隊「Pacific Carguy Racing」嘅賽車女郎團隊後，憑住168cm身高配上修長白滑美腿嘅「美Body」，再加上「正統美人」嘅臉蛋一炮而紅，同年仲創紀錄地成為日本賽車女郎大選嘅新人獎兼總冠軍。自此就成為賽車女郎及寫真界不可或缺嘅人氣偶像。

唔少賽車女郎其實本身都鍾意車，「川瀬もえ」亦唔例外，所以佢都係一個有牌人士。早前佢就於X（Twitter）上公開咗自己駕駛執照，當中最搶眼嘅當然係佢張靚相，但仔細一睇，就會發現佢除咗普通車牌，以及小型電單車牌之外，原來仲有5噸車牌。考慮到日本考車牌嘅難度，「川瀬もえ」嘅駕駛技術一定非常了得！大家又係咪好想同佢揸返兩轉呢？

IG：kawasemoe