對於唔少男士黎講，睇靚女就同飲水一樣，唔係「想要」而係「需要」，仲要係每日都需要。咁今晚就同大家介紹下呢位「水野舞菜」，一方面滿足一下大家對於睇靚女嘅需要，同時提醒一下大家見字飲水，因為「水野舞菜」嘅個人特技就係飲水。

今個月初年滿24歲嘅「水野舞菜」，最早係於2018年以偶像團體「Last Idol」嘅第二期生身份出道，當時嘅佢仲話會以「白石麻衣」為目標而奮鬥。不過佢嘅偶像生涯只係維持咗短短三年，2021年時佢就宣佈退團，並以經營TikTok等社交媒體為主要活動。事實或者證明佢呢個決定係正確嘅，因為「Last Idol」已經於2022年解散，而佢唔單止一直活躍至今，目前TikTok更有170萬追蹤，計埋IG及X（Twitter）嘅總追蹤人數更突破200萬，絕對係日本當紅嘅KOL之一。

新寫真預瀏圖

2022年時，佢與講談社合作推出首本電子寫真、亦係佢人生首次水著寫真，雖然露出度可以話非常低，大多都係背心短褲之類，但勝在顏值搭救，而且偶爾幾張內衣、泳衣照已經足夠Fans們慢慢欣賞。而佢亦以此開始寫真事業，近來更宣佈會於明年2月推出首本實體寫真集，各位Fans唔好錯過啦。

IG：mana_chos