香港人講起「音音」，好有可能會諗起「音音姐」邵音音；但如果你同日本人提起「音音」，佢哋就好可能會以為你講緊近來人氣爆燈嘅「志田音音（志田音々）」。咁究竟日本呢個「音音」有咩吸引之處？佢又有何德何能被稱為「日本最可愛的比堅尼女藝人」呢？

現年26歲嘅「志田音々」，早於2013年就參加Miss Teen Japan並獲得亞軍而成名。後來佢一邊讀書一邊做Model，2019年時成為靜岡第一電視台嘅天氣女郎，同年佢於《週刊Playboy》獻出自己嘅水著寫真處女作，並憑167cm高挑身段、頗有睇頭嘅上圍、以及非常可愛嘅笑容廣獲好評，更於集英社舉行嘅年度水著大賞中獲得最優秀新人賞。自此就成為各大小雜誌嘅寫真常客，更被封為「日本最可愛的比堅尼女藝人」。

寫真帶黎嘅人氣亦反映於佢其他演藝工作之上。例如去年佢就成功於《幪面超人GEATS》中獲得「桜井沙羅/HAKUBI」一角，成功入屋之餘亦進一步推高佢嘅人氣。更難得嘅係佢紅咗都冇忘記寫真，早前宣佈會於明年2月推出新寫真，而且仲一口氣推出分別前往台灣及五島列島拍攝嘅兩個版本。咁有誠意，大家一定要支持下啦？

IG：shida_nene0715