對香港人黎講，「1997年7月1日」呢個日子係有唔同嘅意義。而當睇完今晚呢篇「深夜系列」之後，或者會令你對呢個日子有一番新嘅感受。事關今日要介紹嘅呢位「近藤沙瑛子」，就係1997年7月1日出世，各位香港人會唔會覺得特別親切呀？

現年27歲、出生於日本熊本縣嘅「近藤沙瑛子」，早於20歲時就參加由講談社主辦、日本著名寫真新星比賽「Miss ID」而出道。雖然最後只係入圍最終名單冇獎攞，但就已經賺到人氣，翌年仲加入偶像團體「FES☆TIVE」開始偶像活動，直到2020年11月退團，再於2021年初加入依家嘅團體「＃ババババンビ」，成為我哋過去都介紹過嘅「岸 みゆ」、「宇咲」及「神南 りな」等人嘅隊友。2021年時佢更再次參加「Miss ID」比賽，並成為「Amazing Miss ID」之一。

單睇一個團體能夠有咁多人被我呢個「深夜系列」介紹過，你就知道「＃ババババンビ」係一個非常著重寫真工作嘅女團。事實上「近藤沙瑛子」加入「＃ババババンビ」亦可以話係天作之合，事關早於「FES☆TIVE」時期，佢就曾經於X（當時仲係Twitter）上傳一張自己身穿內衣嘅相，並留言指「実は胸がある（其實我都有胸）」，從此佢嘅身材就成為Fans們嘅熱話之一。亦因為佢呢張相成功抄起話題，過去幾年都有唔少雜誌搵佢影過水著寫真，黎緊1月22日仲會推出首本個人寫真集《One》添！

IG：saekondo_inu