正如黃百鳴…唔係！係MC張天賦話齋，「下定決心 回復單身都不覺荒涼」，分手雖然傷心，但有時對雙方黎講都係好事；而如果分手嘅係日本寫真女星「橋本梨菜」呢種級數嘅女神的話，對Fans黎講就更加唔覺得「荒涼」，甚至仲有可能覺得有啲「心涼」？

現年31歲嘅「橋本梨菜」，7歲時就曾經做過童星，直到大學時期都有斷斷續續參加幕前演出。2014年時佢參加「汐留水著寫真甲子園 2014」獲得亞軍後，正式推出首隻寫真DVD轉戰寫真界，隨後就憑住佢左邊重1.1kg、右邊重1.4kg嘅G Cup豐滿上圍，以及一身日曬銅色肌膚成為當紅寫真女星，有住「日本第一黑皮膚水著女星」、「浪速黑鑽石」等多方美譽。

而自2022年起，「橋本梨菜」就與細4歲嘅日本柔道國手「阿部一二三」傳出緋聞。雖然雙方從未正式承認戀情，但早前奧運期間「橋本梨菜」特登去到巴黎捧場，見到男方奪金仲感動落淚；女方出席活動時被問到手上戒指是否婚戒時，又一臉甜笑表示雖然唔係，但自己已經準備好，睇落就似係感情穩定。

不過近日就有報導指出，「橋本梨菜」與「阿部一二三」已經分手。雖然傳媒向女方經理人公司求證時，只獲得「私人生活交由本人處理」嘅官方回覆，男女雙方亦冇作出任何相關公告，但坊間均相信分手傳聞屬實。唔知各位又會因為「橋本梨菜」分手而替佢傷心，定係有其他感受呢？

IG：hashimoto_rina_