日本偶像成員幫青少年雜誌影寫真可以話係慣常操作，不過凡事都總有例外。好似今晚要介紹呢位「高木悠未」咁，雖然已經出道14年，但直到早前宣佈會於今年退團為止，影過嘅水著寫真都係屈指可數。但換個角度講，就黎退團去影寫真，係咪代表佢往後有意向呢個方向發展呢？

唔好睇到「出道14年」就以為「高木悠未」已經好老，其實佢早於13歲時就已經參加家鄉福岡縣嘅女團「LinQ」而出道，所以其實今年都只係27歲，加上身高只有140cm，睇落去就更加童顏。而「LinQ」呢個團體雖然你未必聽過，但其實於福岡當地相當有人氣，除咗拍過唔少廣告、又有團體自家綜藝之外，更曾經擔任九州地區對泰國嘅觀光大使。而「高木悠未」除咗係目前團內資歷及年齡最高嘅大姐姐之外，更一直係團內嘅台柱，據報佢所有社交網集加起總共有超過170萬個Followers！

可惜嘅係，「高木悠未」早前宣佈會於今年夏天從團體卒業；無獨有偶，近來登上日本寫真雜誌《FLASH》，仲拍埋電子寫真集，除咗係佢事隔五年再試水著寫真之外，亦係佢出道14年來首本電子寫真。咁或者代表佢偶像卒業後有意向寫真界發展？如果係咁，大家將來或者就有眼福啦！

IG：yuumi_takaki05