「早日退休打牌為生」或者係唔少人嘅夢想，而今晚要介紹嘅「中田花奈」，就可以話係完成咗呢個夢想嘅一半。事關女團出身嘅佢雖然唔算「退休」，但「退團」之後就轉咗去做職士「雀士」，所以嚴格上黎講的確係打牌為生。

現年30歲嘅「中田花奈」自小就於朋友嘅影響下愛上AKB48等女團，而且鐘意到後來佢本來打算去考新聞主播，佢阿爸都叫佢去參加偶像徵選。結果佢亦真係去咗參加「乃木坂46」一期生徵選並成功通過，於2011年8月與白石麻衣等人一齊出道——有趣嘅係佢嘅退團時間亦與白石麻衣只差三天（2020年10月25日及28日）。

退團之後，佢就立志成為日本職業雀士，並於2021年初開始為朝日電視台拍攝自己開「雀館Cafe」兼「通往職業雀士之路」嘅紀錄片，再於同年3月通過日本職業麻雀聯盟嘅測試，成為真正嘅職業雀士。2023年更被職業麻雀聯賽隊伍「BEAST Japanext」選中，今年更出版針對初學者嘅麻雀工具書《中田花奈的麻雀入門》，算係於新職業中創出佳績。

近年佢亦時踏足寫真界，以水著之姿登上多本日本雜誌，更曾與《週刊Young Magazine》合作推出電子寫真，展現F Cup好身材。相信唔少男士都希望有個咁嘅雀友，大家得閒就約埋一齊撚下雀吧？

IG：nakadakana_official