日本寫真女星對香港一眾男士而言，可能係一個又熟悉又陌生嘅存在——熟悉在你喺我哋「深夜系列」、又或自己個IG都已經Follow咗一堆日日睇；陌生在你極大可能只係睇過相、睇過片，但從來冇、未來亦唔太可能有機會見到真人。不過今晚要介紹呢位「天野ちよ」，就係近年極少數嘅例外，因為佢真係黎過香港「獻技」。

現年30歲嘅「天野ちよ」出身於日本福岡縣，雖然年齡唔細，但其實佢嘅出道時間並唔算長。2019年時先成為賽車女郎，半隻腳踏入演藝界；再到去年先推出首隻DVD正式踏足寫真界。雖然不再青春無敵，但佢就憑住169cm嘅高身長以及姣好比例、以及H Cup豐滿上圍成功打響名堂，寫真成績好到佢決定放棄賽車女郎工作，全面進軍寫真界。

《培生擂台：無敵盃》記者會照片

圖片：大會提供

而點解香港人「有可能」見過佢真人呢？原因就係今年1月嘅《培生擂台：無敵盃》曾經邀請佢黎做舉牌女郎之一，甚至媒體收到嘅宣傳稿以及大會記者會都有重點介紹。唔知你哋當日又有冇入場、有幸見過佢真人呢？

IG：el_mundo_mar_sol_nail