MenClub「深夜系列」呢個欄目持續咗咁多年，有時連我都搞唔清邊個寫真女星我介紹過，邊個未。好似今晚要介紹嘅呢位「川道さら」咁，雖然我有印象幾年前就見過佢嘅寫真，但原來我一直都冇為大家介紹過佢。至於原因啦喎…只能夠講幾年前「時辰未到」。

「川道さら」最早於2021年以「くろがねさら」之名，參加日本Abema TV嘅著名戀愛綜藝節目系列《今日、好きになりました。》而引起大家注意。翌年佢就正式出道於日本少女時尚雜誌《Ranzuki》擔任模特兒，同年又因為於IG上發佈自己嘅泳衣寫真照，於是打開咗進入寫真界嘅道路，自此之後就一直以寫真女星身份活動。多年黎不停獲邀為各大雜誌拍攝寫真，留下青春倩影。

至於點解我冇介紹過佢係「時辰未到」呢？最主要原因就係佢係2005年2月14日情人節先出世——冇錯，即係話佢啱啱呢個2月先夠20歲，開始拍寫真時甚至18歲都未夠。雖然話未夠18歲拍寫真於日本並不罕見，但喺其他地方大家就未必接受，所以為咗安全起見我當初就冇介紹到佢。依家時機終於黎到啦，我了卻咗呢個心願，大家亦可以儘情期待佢未來嘅新寫真作品啦。

IG：hunny_214