如果你有留意開Kpop偶像相關討論，或者曾經見過啲偶像因為個樣有啲似某啲動物而被分成「兔子系」、「狐狸系」、「鹿系」等。而今晚要介紹嘅呢位「神崎ひな」雖然唔係Kpop偶像，而係日系女團成員，但其實佢都屬於某種動物，而且唔係Fans講，而係官方將佢設定成「紅色小狗」！

現年23歲嘅「神崎ひな」，2023年4月時以「五期生」身份加入日本「雙馬尾協會」組成嘅偶像女團「まねきケチャ」。根據「まねきケチャ」嘅官方設定，每位成員都有自己嘅代表顏色、屬性以及動物，而「神崎ひな」剛加入時就係「紫色」、「月亮」及「犬」，但一年後因應其他成員加入而將代表顏色及屬性改成「紅色」以及「炎」，於是佢就由「紫色月亮小狗」變成依家「紅色火炎小狗」。

對於非Fans黎講，可能會覺得呢啲官方設定有啲無聊。但單論「神崎ひな」呢個例子，你又不得不承認比起神秘嘅「紫色月亮」，佢似乎更加適合充滿熱情嘅「紅色火炎」。尤其係近期佢終於開始個人寫真活動時，你睇到佢對住你展現超級燦爛嘅笑容，就真係好似有隻狗仔撲過黎同你撒嬌一樣呀！

IG：_hinakanzaki