一般而言「十八廿二」正正係少女嘅年紀，換言之過咗廿二歲就係由「少女」踏入「女人」嘅階段。而今晚要介紹嘅呢位「熊澤風花」依家正正就係22歲，並將會於黎緊23歲生日當日推山第二本個人寫真，仲展現出成熟女人嘅性感味道添！

其實「熊澤風花」係童星出身，年少成名。佢早於小學四年級時就已經被星探發掘，11歲時就已經加入女團「プリティグッド！」（Pretty Good）開始活動，隨後就憑住可愛陽光美貌而獲得眾多廣告商青睞。到2016年時佢又加入新團體「Task Have Fun」並一直活動至今，並獲得出演電視劇等機會，令其人氣進一步上升。2018年升上高中之後更開始水著活動，多年黎推出過無數電子寫真集、雜誌寫真，紀錄住佢青春少艾嘅每一步。

近來「熊澤風花」更一改過去嘅及肩短髮造型，時不時以長髮姿態現身，加上臉上嘅Baby Fat稍為減退，由以往嘅可愛小妹妹蛻變成小美人顏值再進一步。難怪佢早前宣內會於7月2日生日推出第二本實體寫真集之後，日本媒體會用「偶像史上最高傑作」黎形容。亦令人非常期待佢寫真中會有咩靚相面世！

IG：fuka_kumazawa