早年香港曾經出過一位「港版蘿拉」，因為著住小背心送貨而廣為人知。而近日日本似乎又多咗一位「工地美女」，近驚人嘅係，呢位身材嘅勁好嘅女仔，竟然係摔角選手出身嘅水著女星「山岡雅弥」！

現年20歲、出身於日本福岡縣、有著混血兒外貌嘅山岡雅弥，小學時由於受到媽媽影響，所以跟住四個哥哥一齊參加摔角訓練，後來仲參加全國中學摔角大賽，拎到九州冠軍、全國第八嘅好成績。本來佢仲打算以日本國家代表為目的繼續訓練，點知就遇上疫情令一切停罷。當時咁啱佢就於去東京參加比賽嘅路上遇到星探發掘，所以就轉戰藝能界。2021年參加日本著名青少年雜誌《週刊Young Magazine》舉行嘅「Miss Magazine」選美活動仲拎埋獎之後正式出道，憑住I Cup驕人好身材就一直活躍於日本水著界。

目前同時讀緊藝術大學嘅佢，近日佢於個人X上就上傳咗多張自己著住成身工人服嘅照片，其中一張仲見到佢鋪緊地磚，加上又話自己近排一個忙於兼職，令人猜想佢係咪於工餘時間去做裝修工人搵錢。青春少女去做粗重功夫自然獲得網民們欣賞，更獲得日本媒體報導，或者佢將來嘅寫真又多個主題可以用啦！

IG：miyabi_11292004